பாஸ்பரஸ்

பாஸ்பரஸ்

 (PHOS)

பிரிவு : தனிமங்கள்

நிருபணம் செய்தவர் : மரு . ஹானிமன்

முன்னுரை(Introduction) :

பாஸ்பரஸ் மருந்து தேவைப்படும் நபர்கள் மிகவும் இனிமையானவர்களாக, வெளிப்படையாகப் பேசும் தன்மையுடன் , நிறைய நண்பர்களைக் கொண்டிருப்பார்கள். மிகவும் புத்திசாலியாகவும் , நாகரிகமாகவும் நடந்து கொள்வார்கள். மனதில் எதையும் மறைத்து வைக்காமல் நண்பர்களுடனும் மற்றவர்களுடனும் பகிர்ந்து கொள்வார்கள் (மரு.வித்தொல்காஸ்). புகையானது எப்படி காற்றுவெளியில் பரவுகிறதோ, தேயிலை எப்படி தண்ணீரில் பரவுகிறதோ அப்படி சமுதாயத்தில் கலந்து வாழ்வார்கள் (Diffusion). இவர்களுக்கு பருவநிலையில் எந்த மாற்றம் ஏற்பட்டாலும் பாதிப்பு உண்டாகும். புயல்காற்றும் , இடியுடன் கூடிய புயல்காற்றும் , இவருக்கு ஒத்துக்கொள்ளாது. " இடி இடித்து புயல்காற்று அடிக்கும்போது தலைவலி வந்துவிடும்". இத்தலைவலிகளை பாஸ்பரஸ் குணப்படுத்தும். அதனால் இந்த மருந்தை காலநிலையை அறிவிக்கும் மனிதக்கருவி ( Human Parameter) என்றே கூறலாம்.

இம்மருந்தின் மையக்கருவான   குணங்கள்(Nucleus):

Ø  உயரமாகவும் , ஒல்லியாகவும் , மெலிந்தும் உள்ள உடலுடன் தைரியம் வாய்ந்தவர்கள். மிக வேகமாய் வளர்ந்து முதுகு கூன் விழுந்துவிடும் தன்மையுடையவர்கள்.

Ø  உப்பு, உப்புச்சத்து நிறைந்த உணவு, மீன், ஐஸ்க்கிரீம் , குளிர்ந்த பால், உற்சாகமளிக்கும் பானங்கள் போன்றவற்றில் விருப்பம்.

Ø  தனியாக இருக்கப் பயம்; மற்றவர்களுடன் சேர்ந்திருக்க விரும்புவார்கள்.

Ø  மற்றவர்கள் சிரமப்படுவதைக் கண்டு மிகவும் இரக்கப் படுவார்கள்.

Ø  சிறிய காயங்களில் இருந்தும் ஏராளமான இரத்தம் வெளியாகும் ; சீக்கிரத்தில் உறையாது. நல்ல சிவந்த இரத்தம் அதிகமாக வெளியாகும்.

Ø  சிற்றின்பத்தில் அதிக விருப்பம் இருக்கும்.

Ø  குளிர்ந்த பானங்களில் விருப்பம்; அது அவர்களது தொல்லைகளை சமனப்படுத்தும். ஆனால் குளிர்ந்த பானங்களோ அல்லது தண்ணீரோ வயிற்றிற்குள் சென்ற சிறிது நேரத்தில் (சூடாக மாறிய பின்னர்) வாந்தியெடுக்க நேரிடும்.

Ø  இடது பக்கமாகவோ , முதுகை கீழே வைத்தோ அல்லது வலியுள்ள பாகத்தைக் கீழே வைத்து படுத்தால் தொல்லைகள் அதிகமாகும்.

Ø  தூங்கி எழுந்தபின்னர் தொல்லைகள் குறையும்.(குட்டித் தூக்கம்)

Ø  உடலில் ஒவ்வொரு இடத்திலும் எரிச்சல் அல்லது காந்தள் பிரதானமாக இருக்கும்; அதாவது வாய், வயிறு, சிறுகுடல்,ஆசனவாய்,தோள்ப்பட்டை மற்றும் எலும்புகளுக்கு இடையில் மிகவும் கடுமையாக இருக்கும். முதுகுத் தண்டுவடத்தில்  எரிச்சல் மேலே ஏறுவது போல் இருக்கும். உள்ளங்கையில் ஆரம்பித்து முகத்திற்குப் பரவும் (DR. E.B.NASH).

தனிசிறப்பான குறிகள் (Characteristic Symptoms) :

Ø  குளிர்ச்சியான உடல்வாகு; உடல் சூடாகவும் ஆனால் தலையும், முகமும் குளிர்ச்சியாக இருக்க வேண்டும் என்று விரும்புவார்கள்.

Ø  அடிக்கடி இரத்தப் பெருக்கெடுக்கும் உடல்வாகு .

Ø  அடிக்கடி இரத்தப் பெருக்கெடுக்கும் உடல்வாகு( Haemorrhagic Diathesis).  உடலிலுள்ள பற்பல உறுப்புகளிலிருந்தும் , துவாரங்கள் வழியாகவும் இரத்தம் வெளிப்படலாம். சிறிய காயங்களில் இருந்தும் ஏராளமாய் இரத்தம் வெளியாகும்(LACH,NIT-AC) . மாதவிடாயிற்குப் பதிலாக சுவாச கோசங்களில் இருந்தோ, மூக்கிலிருந்தோ இரத்தம் கொட்டுதல் (Vicarious Menses).

Ø  எரிச்சல்: வாய், வயிறு, சிறுகுடல்,ஆசனவாய்,தோள்ப்பட்டை (Scapulae) மற்றும் எலும்புகளுக்கு இடையில் மிகவும் கடுமையாக இருக்கும். முதுகுத் தண்டுவடத்தில் (Spine) எரிச்சல் மேலே ஏறுவது போல் இருக்கும். உள்ளங்கை , உள்ளங்கால்களில் எரிச்சல்.

Ø  வயிற்றின் உட்புறம் கூடாகவும் காலியாகவும் இருப்பது போல் தோன்றும்( All gone sensation).

Ø  தலை மயிர் கொத்துக் கொத்தாக கொட்டும். குறிப்பிட்ட இடத்தில் வழுக்கை ஏற்படும்.

Ø  டைப்பாய்டு காய்ச்சலுக்குப் பிறகு மற்றும் மின்னல் ஒளி தாக்குதலுக்குப் பின் கண் குருடாகும்; பார்வை நரம்பு பாதிக்கப்படும்.

Ø  விழிகளில் மெல்லிய தோல் வளருவதையும்(Cataracts), விழிமிகை அழுத்தம் (Glaucoma) ஏற்பட்டதையும் நலமாக்கும்.

Ø  எழுத்துக்கள் சிவப்பாகத் தெரியும்.

Ø  அறுவைச் சிகிச்சைக்குப் பிறகு வாந்தி.

Ø  காது கேட்பதில் சிரமம், குறிப்பாக மனிதர்கள் பேசுவது காதில் விழாது.  

Ø  வறண்ட இருமலும் , மார்பில் இறுகக் கட்டிய உணர்ச்சியும் , இரத்தம் துப்புவதும் ஏற்படலாம்.

Ø  ஆசனவாய் திறந்தே இருப்பது போன்ற உணர்வு. மலப்பையினுள் ஏதேனும் ஒரு பொருள் நுழைந்து விட்டால் உடனே வயிற்றுப்போக்கு ஏற்ப்படும். வயதானவர்களுக்கு காலையில் வயிற்றுப்போக்கு ஏற்படும்.

Ø  மலம் நீளமாய் மெலிந்து, இறுகி நாயின் மலம் போல் காணப்படுவதுடன்,  சிரமப்பட்டுத்தான் வெளியாகும்.

Ø  முகத்தில் இடதுபக்கப் பாரிசவாதம்.

Ø  இரவில் ஏராளமாக பிசுபிசுவென்று ஓட்டும் குணமுள்ள வியர்வை ( கந்தக நாற்றமுள்ள வியர்வை) ; தூங்கும் போது அதிகமாதல். அதனால் நலம் ஏற்படாது.   

Ø  சரியான தூக்கமின்மை; தூக்கம் குறைவதால் பாதிப்பு; தூங்கி எழுந்தால் நலமாகும். தூக்கத்தில் நடக்கும் வியாதி ( Somnambulism),  தூக்கத்தில் பேசுதல்.

Ø  நிமோனியாக் காய்ச்சல், இடது பக்கம் எரிச்சலூட்டும் தொல்லைகளால் நோய்க்குறி அதிகமாதல்.

Ø  பாஸ்பரஸ் துயரரால் வலது பக்கம் மட்டுமே படுக்க இயலும் (LYC).

Ø  காய்ச்சலின் போது அதிகப்பசி ஏற்படும் (Ravenous Hunger).

Ø  கல்லீரல் பருத்தும், கடினமாகவும் இருத்தல்; விஷத் தன்மை வாய்ந்த மஞ்சள் காமாலை நோய்.

Ø  இரத்தப்போக்கை ஏற்படுத்தும் மூலநோய் ( Bleeding Haemorrhoids) .

மனக்குறிகள்(Mind):

Ø  மிகவும் இரக்கச் சுபாவம் படைத்தவர்கள்

Ø  தனியாக இருக்கப் பயம்; மற்றவர்களுடன் சேர்ந்திருக்க விரும்புவார்கள். அதேபோல் இருட்டு, இடி இடித்தல் , வியாதி, பேய் , பூச்சிகள் மற்றும் இறப்பு  போன்றவற்றுக்கும் பயம் .

Ø  மற்றவர்களின் நலத்தைப்பற்றி மிகவும் பதட்டமடைவார்கள். யாருக்காவது துன்பம் நேரிட்டால் அது தனக்கு வந்ததுபோல் உணர்ந்து வருத்தமடைவார்கள்.

Ø  சுலபத்தில் திடுக்கிடுவார்கள் ( STARTLES)

Ø  தங்களுக்கு யாரவது வசியம் பண்ண ( MAGNETIZED) அல்லது உற்சாகப் படுத்த வேண்டும் என்று விரும்புவார்கள்.

Ø  ஞாபக மறதி;மூளை களைத்துப்போய் விட்டதாக உணருவார்கள்.

Ø  மிக எளிதில் கோபம் ஏற்ப்பட்டு தூக்கி எரிந்து பேசுவார்கள்.

Ø  தனக்கு பணிவிடை செய்யும் பெண்ணின் மீது துப்புவது அல்லது தன அருகில் வரும் போது முத்தமிடுவது போன்ற காரியங்களில் ஈடுபடுவார்கள்.

Ø  மாதவிடாய்  வெளியாவதற்கு முன்பு அழுகை.

Ø  மந்த குணம், மெதுவாகப் பதில் சொல்லுவார்கள்; மெதுவாக நடப்பார்கள்.

Ø  வாழ்க்கையில் வெறுப்பு (VEXED)

Ø  அமைதியின்மை அல்லது நிலைகொள்ளாமை(RESTLESSNESS) , பரபரப்பு, இடைவிடாமல் நடந்து கொண்டிருப்பார். ஒரு வினாடிகூட உட்காரமாட்டார், நிற்க மாட்டார் ( உடலில் உயிர்த்   தண்ணீர் சேதமாகிவிட்டபோதும்  , அளவிற்கு மீறி சிற்றின்பத்தில்  ஈடுபட்டு இந்திரியம் செலவான போதும் இத்தகைய மனக்குறிகள் தோன்றும் –DR.K.C.BHANJA)

நோய்க்கான காரணங்கள் (Causation or Ailments from):

கோபம்,பயம்,கவலை,மனவேலை மற்றும் கடுமையான மன எழுச்சிகள்;இசை;பலமான நறுமணங்கள்; மலர்கள்(மயக்கமடைதல்) ;இடி இடித்தல் ; மின்னல் (கண் குருடாகி விடுதல்) ;மிகுதியான சிற்றின்ப நுகர்வு; உயிர்த் திரவங்கள் இழத்தல் (இரத்தம்);துணி மணிகள் துவைப்பதால்;புகையிலை ( பார்வை மந்தம்); தலையில் முடி வெட்டிக்கொள்ளுதல் ; உப்பு; நீண்ட நாட்களாக மதுகுடிக்கும் பழக்கம் மற்றும் மழைக் காலம் .

ஆண்கள் (Male)

அளவுக்கு அதிகமான காம இச்சை இருக்கும் ஆனால் ஆண்தன்மை ( Impotent) குறைந்திருக்கும். கடுமையான சிற்றின்ப ஆசையால் வெறி பிடிக்கசெய்யும்; பிறப்பு உறுப்புகளைப் பிறர் கண்ணில் படும்படித் துணியை விளக்கிக் கொள்வார். ஆண்குறியில் விறைப்புதன்மை குறைந்திருக்கும் அல்லது இருக்காது. சிறுநீர்ப் பாதையில் மெல்லிய நூல்போன்ற , நிறமற்ற திரவம் நிரந்தரமாக வெளிவந்து கொண்டிருக்கும்.

பெண்கள் (Female):

மாதவிடாய் குறித்த காலத்திற்கு முன்பே வெளிப்படும் , நீண்ட நாட்களுக்கு நீடிக்கும் ஆனால் ஏராளமாக இருக்காது. மாதவிடாயிற்குப் பதிலாக அரிப்புடன் கூடிய வெள்ளைப்பாடு (Leucorrhoea) ஏற்படும். அதேபோல் மாதவிடாயிற்குப் பதிலாக சுவாசகோசங்களிருந்தோ, மூக்கில் இருந்தோ இரத்தம் கொட்டுதல். மாதவிடாய்ப் போக்கு குறைவாய் இருக்கும் போது மூக்கு , வயிறு, ஆசனவாய், மூத்திரக்குழாய் முதலிய ஏதோ ஒரு இடத்திலிருந்து இரத்தம் பெருகுதல்.  அளவிற்கு அதிகமான சிற்றின்ப நுகர்வால் மலட்டுத்தன்மை (Sterlity) . கர்ப்பகாலத்தின் போதும் , குழந்தைக்கு பால் கொடுக்கும் காலத்திலும் அதீத காம இச்சை. கர்ப்பப்பை மற்றும் மார்பகங்களில் புற்றுநோய். கர்ப்பபையில் தசைவளாச்சி. இடதுபக்க மார்பகத்தின் உட்புறத்தில் வலிகள். உடலுறவின் போது காமக்கிளர்ச்சி ஏற்படுவதற்குப் பதிலாக பெண்குறியில் மரத்துப் போன உணர்வு தோன்றும்.  முலைக்காம்பு சூடாகவும், புண்ணாகவும் இருக்கும்.

குழந்தைகள்(Child)

குழந்தைகள் உயரமாகவும் , மெலிந்தும், மிக வேகமாய் வளைந்து கூன் விழுந்துவிடும் தோற்றத்தில் காணப்படுவார்கள். சுலபமாக அனைவருடனும் பழகுவார்கள், ஒதுங்கி இருக்கமாட்டார்கள். குழந்தைப் பருவத்தில் எலும்பு வியாதியால் தாக்கப்பட்டவர்கள். அதிகமான பசி இருந்து சாப்பிட்டாலும் இளைத்திருப்பார்கள். தாமதமாக நடக்கக் கற்றுக்கொள்ளும் குழந்தைகள். தூக்கத்தில் நடக்கும் வியாதி ( SOMNAMBULISM) .

உணவு, ( விருப்பம், வெறுப்பு ) மற்றும் தாகம் (Food and Drinks):

விருப்பம்: உப்பு; ஐஸ்க்கிரீம் ; சாக்லேட்;ஒயின்;குளிர்ந்த பானங்கள், உணவுகள்; மீன்; குளிர்ச்சியான பால்;

                 அமில மற்றும் மசால் உணவுகள்.
வெறுப்பு: இனிப்பு; மீன்;பழங்கள்; இறைச்சி;வெண்ணை;சிப்பிகள்; காய்ச்சிய பால்;சூடான உணவு

பசி: அளவிற்கு அதிகமான பசி; இரவில் அதிகரிக்கும்.

மாறுமைகள்: (Modalities):
நோய்க்குறி அதிகரித்தல்(Aggravation):

இடதுபக்கமாகவோ, முதுகை கீழே வைத்தோ அல்லது வலியுள்ள பாகத்தைக் கீழே வைத்துப் படுத்தால் வியாதி அதிகமாகும். மன உணர்ச்சிகள் சற்றே அதிகரித்தாலும் , சூடான உணவு, உப்பு ஆகியவைகளைச் சாப்பிட்டாலும் , பருவநிலையில் திடீரென்று மாறுதல் ஏற்ப்படும் போதும் , குளிர் காற்றினால் , அளவுக்கு மீறிச் சிற்றின்பத்தில் ஈடுபட்டாலும் , மனவேளைசெய்து சோர்வு தோன்றினாலும் தொந்தரவுகள் அதிகரிக்கும். பெண்கள் பருவம் எய்தும் தருணத்தில் ஏற்படும் இரத்த இழப்பு . இடி மற்றும் மின்னல் ஏற்படும்போது (Human parameter). தூக்கம் கெடுவதாலும் தொல்லைகள் கூடும். காலை  மாலையிலும் மற்றும் முகச்சவரம் செய்தாலும் தொல்லைகள் கூடும்.

நோய்க்குறி குறைதல்(Amelioration):

சாப்பிட்டால் (Eating) , உடம்பைத் தேய்த்து விட்டால் ( Rubbing), உட்கார்ந்தால்(Sitting)  தொல்லைகள் குறைந்து நலம் உண்டாகும். தூங்கினால் (குட்டிதூக்கம்)  நன்றாக இருக்கும் , குளிர்ச்சியான உணவு மற்றும் பானங்களால் ( அதிக விருப்பம்) தொல்லைகள் நலமாகும். குளிர்ந்த நீரால் முகத்தை கழுவினாலும் நலம் தெரியும்.

வீரியம்:

மூன்று, முப்பது மற்றும் உயர்ந்த வீரியங்கள் பயன்படுத்தலாம். ஆனால் குறைந்த வீரியத்தில் தொடர்ந்து கொடுக்கக் கூடாது. இம்மருந்து நாற்பது நாட்கள் வரை வேலை செய்யும். சுவாசகோச சயரோகதில் இம்மருந்தை மிக உயர்ந்த வீரியங்களில் கொடுக்கக்கொடாது. இந்தச் சமயங்களில் 30 அல்லது 200 வது வீரியம் போதுமானது.

கடுமையான காய்ச்சல் உள்ள எல்லா வியாதிகளிலும் பாஸ்பரஸின் குறிகள் ஒத்திருந்து இம்மருந்து கொடுக்கப்பட்டால் ஒரே ஒரு வேளையில் காய்ச்சல் தணிந்து விடும். காய்ச்சல் தணிந்த பிறகு இரண்டாவது வேலை கொடுத்தால் நீக்கமுடியாத கெடுதியைச் செய்துவிடும்.

மருந்துகளுக்குள் உறவு./ஒற்றுமை(Relationship):

ஆர்சனிகம் ஆல்பம்( ARS), அல்லியம் சீபா(ALL.C) இவ்விரண்டு மருந்துகளும் பாஸ்பரஸ் மருந்திற்கு நட்பு/நிறைவு மருந்தாகும்.

இம்மருந்திற்கு முன்பு கொடுக்கவேண்டியது: CALC.C, CHIN, KALI.C,LYC,NUX.V,PIC.AC,RHUS.T,SIL,SULPH.

இம்மருந்திற்கு பின்னர் கொடுக்கவேண்டியது: ARS, CARB.V, RHUS.T,SULPH

இம்மருந்திற்கு பின் காஸ்டிகம்(CAUST) கொடுக்கப்படக்கூடாது.

காபியாக்குருடாவும் (COFF), நக்ஸ்வாமிகாவும் (NUX.V)  பாஸ்பரஸ் மருந்தை முறிக்கும் தன்மை உடையது.

முதுகுவலியுடன் நரம்பு மண்டலம் பாதிப்பு

முதுகுவலியுடன் நரம்பு மண்டலம் பாதிப்பு

ஆங்கிலம் : மருத்துவர். அமர் டி  நிகாம் ( Dr. AMAR D NIGAM )

மும்பாய் நகரைச் சேர்ந்த 55 வயதுள்ள ஒரு பழ வியாபாரி , 1998 ஆம் ஆண்டு  ஜூன் மாதம் நரம்பு மண்டலம் பாதிப்பிற்கு உள்ளாகி முதுகெலும்பு வேக்காட்டுடன் ( Pott’s spine with neuropathy) மிக மோசமான நிலையில் என்னிடம் சிகிச்சைக்காக வந்தார்.

என்னைப்பார்க்க வருமுன் மும்பையைச் சேர்ந்த ஒரு முடநீக்கு அறுவைச் சிகிச்சை நிபுணரிடம் மருத்துவம் பார்த்து , அவருடன் சண்டை பிடித்து விட்டு வந்திருந்தார். அந்த மருத்துவர் அவருக்கு தவறான சிகிச்சை செய்துவிட்டதாக அவர் குறிப்பிட்டார். ஆனால் , சந்தர்ப்பவசமாக ஆங்கில மருந்துகள் ( Streptomycin) அந்தத் துயறருக்கு  எளிதில் தீங்கு தருவதாக   இருந்திருக்கிறது.

அவர் கடுமையான முதுகு வலியினால் அவதிப் பட்டுக்கொண்டிருந்தார் (Back ache). அத்துடன் அவருடைய கெண்டைக்கால் மற்றும் முன்னங்கைகளில் உள்ள சதைகள் கடுமையாக இளைத்து இருந்தன.  நடக்க முடியாமல், நிற்க முடியாமல் முழுவதுமாக செயலிழந்தவராக இருந்தார்.  அவர் நிலை மிகவும் மோசமாக இருந்ததால் மருத்துவமனையில் உள்நோயாளியாக சேர்க்க வேண்டி வந்தது.

அந்தத் துயரர் நேர்த்தியாக ஆடை அணிந்திருந்ததோடு  மட்டுமல்லாமல் காந்திக் குல்லாயும் அணிந்திருந்தார். சத்தமான குரலில் பேசி தான் ஒரு பிரபலமான அரசியல்வாதி எனக் காட்டிக்கொண்டார். அவருடைய மனைவிடம் கரடுமுரடாக பேசிய விதத்திலிருந்து அவருக்கும் , அவருடைய மனைவிக்குமிடையில் உறவு பாதித்திருப்பதை புரிந்து கொள்ள முடிந்தது. 

துயரர் குறிப்பிட்ட தொல்லைகள்:

Ø  இடுப்புப் பகுதியில் வலி ; தைக்கும் வலி  ( கூர்மழுங்கிய பொருளில்  இடித்துக் கொண்டதால்  காயம் )

Ø  உட்கார்ந்தால் வலி அதிகமாதல் ( < Sitting)

Ø  சூடான ஒத்தடத்தால் வலிகள் குறைதல் ( > Hot application)

Ø  கால்களில் வலிகள் 

Ø  கால்களில் பலவீனம் . அத்துடன் மரத்துப்போதல் மற்றும் கூறிய கூச்ச உணர்வு.

Ø  உடல் வலியுடன் காய்ச்சல் .

Ø  2-3 ஆண்டுகளாக வயிற்றில் அதிக அமிலத்தன்மை.

Ø  அடிவயிற்றில் உப்பிசம் ஏற்பட்டு வயிற்றுப்  காந்தலான  உணர்வு.

Ø  நெஞ்செறிச்சல்++

Ø  குமட்டல்++

Ø  மற்றும் வாந்தி, இதனால் தொல்லைகள் குறைதல் .

Ø  எப்பொழுதாவது தலைவலி அத்துடன் தலைசுற்றல் .

Ø  எட்டு வயதில் அவருக்கு  டைபாய்டு சுரம் வந்திருந்தது.

தலைமைக் குறிகள் :(GENERALS)

விருப்பம்: பச்சைக் காய்கறிகள், பொரித்த (வறுத்த) உணவுகள்  

வெறுப்பு : தயிர், மீன் 

வியர்வை : நெற்றியில் அளவுக்கு அதிகமான வியர்வை 

சிறுநீர் :  எரிச்சலுடன் அடிக்கடி சிறுநீர் கழிக்கவேண்டும் என்ற கோளாறு ; மஞ்சள் நிறம் 

மலம் : மலம் கழிப்பதில் திருப்தியின்மை ; பச்சைநிறம் ; பாதி மிருதுவாக இருக்கும் ;

                    தினமும்  2-3 தடவை 

தூக்கம் : இரவு  11 முதல் காலை 4.00 மணிவரை  

கனவுகள் :  விலங்குகள்; செம்மறிஆடும்  வெள்ளாடும் ஒன்றுடன் ஒன்று சண்டையிடுதல் ;

                          மனிதர்கள் தங்களுக்குள்  கம்புகலோடும் , இரும்புக் கம்பிகளைக் கொண்டும்

                         சண்டைபோடுதல் 

 துயரருடன் நடைபெற்ற உரையாடல்கள் :

கேள்வி: உங்கள் சுபாவம் எப்படி?

துயரர்:  நான் சிறுவயதில் இருந்து எரிச்சலான சுபாவம்  படைத்தவன் . எனக்கு பொய் பேசுவது பிடிக்காது. அதேபோல் என்னைப் பற்றி பிறர் பேசுவதும் பிடிக்காது. மும்பையில் கடந்த 30 வருடங்களாக வாழ்ந்து வருகிறேன். இதற்கு முன்னால் புனாவில் என் சகோதரனுடன் வாழ்ந்து வந்தேன். எனது சகோதரன் பெரிய வியாபாரி. நான் வியாபாரத்தில் அவனுக்கு உதவிகரமாக இருந்து வந்தேன் ஆனால் வேலைக்காரர்கள் எங்களை ஏமாற்றிவிட்டார்கள் , அதனால் எங்களுக்கு ரூ 40000 -50000 இழப்பு ஏற்பட்டது . அதனால் எனது சகோதரன் அதிகமாக வியாபாரம் செய்வதைக் குறைத்துக் கொண்டான். பிறகு எங்களது வருமானம் குறைந்தது அதனால் எங்களுக்குள் சண்டை ஏற்பட்டதால் நான் அவனைப் பிரிந்து மும்பை வந்தேன்.

மும்பையில் , ஏற்கனவே அங்கீகாரம் பெற்று பழ வியாபாரம் செய்து வந்த எனது நண்பனின் உதவியால் நானும் பழ வியாபாரத்தில் ஈடுபட்டேன், வியாபாரமும் நன்றாக வளர்ந்தது. பின்னர் எனது மனைவியும் நான்கு குழந்தைகளும் வந்து என்னுடன் சேர்ந்து கொண்டார்கள். நாங்கள் ஒரு குடிசையில் 5-6 ஆண்டுகள் வாழ்ந்தோம். பிறகு , ஒரு அரசியல்வாதியின் தயவால் சிறிய இடம் கிடைத்தது இருந்தாலும் அரசு அதிகாரிகள் மழைக்காலத்தில் வந்து அதை இடித்துவிட்டுப் போய்விடுவார்கள். இப்பொழுதும் எங்களுக்கு நிரந்தரமான ஒரு வீடு இல்லை.  மிகக் கஷ்டத்தில் வாழ்ந்தாலும் சிரமப்பட்டு சேமித்து சிறியதாக வீடு கட்டினேன். பிறகு , அதை எனது மகளின் திருமணத்திற்க்காக விற்க வேண்டியதாகிவிட்டது.பின்னர் எனது நண்பனின் உதவியால் இன்னொரு வீடு வாங்கினேன் அத்துடன் சிறிய வடைக்கடை துவங்கினேன் . இப்பொழுது வியாபாரம் நன்றாக இருக்கிறது.

கடந்த இருபது வருடங்களாக சமூகசேவையில் ஈடுபட்டு வருகிறேன்.அதனால் எனக்கு நிறைய எதிரிகள் உருவாகிவிட்டார்கள். அவர்கள் எனக்கு தொல்லைகள் கொடுக்க ஆரம்பித்துவிட்டார்கள் . எனது வீட்டையும் ,  வியாபாரத்தையும் கெடுக்க அவர்கள் நினைக்கிறார்கள். இதனால் ஏறத்தாழ ரூ.3 லட்சம் இழந்துவிட்டேன்.  இது சம்பந்தமாக காவல் நிலையத்திலும் ஏன் காவல் துறை ஆணையிரிடமும் புகார் செய்துள்ளேன்.

கேள்வி: என்ன மாதிரி சமூகசேவைகள் செய்கிறீர்கள்?

துயரர்: எந்த ஒரு அப்பாவியாவது தண்டிக்கப்பட்டால் அவர்களுக்காகவும் ,அவர்களது உரிமைக்காகவும் போராடுவேன். மக்களை ஒன்று திரட்டி அவர்களுக்காகப் போராடுவேன் ( அகிம்சை முறையில்). என்னிடம் 25 உதவியாளர்கள் இருக்கிறார்கள்.

துயரின் உறவினர்: இவர் வீட்டில் இருப்பதில்லை , எப்பொழுதும் வெளியில் தான். அவரைப் புகழ்ந்தால் அதை விரும்புவார்.

கேள்வி: இந்த வேலைகளை ஏன் விரும்புகிறீர்கள்?

துயரர்: சமுகத்தில் உள்ள ஒவ்வொருவரும் என்னை மதிக்கிறார்கள்.

கேள்வி:  நீங்கள் மருந்து எடுத்துக்கொண்ட பொழுது ஏற்பட்ட விளைவினால் எப்படி நடந்து கொண்டீர்கள்?

துயரர்:  மருத்துவரிடம் சென்று இதுபற்றி கேட்குமாறு  எனது உறவினர்களிடம் நான் கூறினேன். எனது முதுகு தண்டுவடத்தில் எலும்புருக்கிநோய் இல்லையென்பது எனக்குத்தெரியும். அவர்கள் தவறான மருந்தினை  கொடுத்துவிட்டார்கள் ஆகையால் எனக்கு கோபம் வந்தது. அவர்கள் என்னை பரிசோதித்து இருக்கவேண்டும். என்னுடைய ஒளிப்படத்தைப் பார்த்ததும் மருந்து கொடுத்தார்கள் அதனால் எனக்கு கோபம் ஏற்பட்டது.

கேள்வி: வேறு ஏதாவது  சொல்ல வேண்டியது இருக்கிறதா?

துயரர்:   என்னுடைய மனைவி அதிக சிற்றின்ப ஆசை கொண்டவள். அவள், எங்களது பக்கத்துக்கு வீட்டுக்காரனுடன் காம உறவு வைத்திருக்கிறாள் என்ற சந்தேகம் எனக்கு இருந்தது. பொதுவாக, நான் சந்தேகக்குணம் கொண்டவன் இல்லை , அதனால் அவளை கையும் களவுமாக பிடிக்க வேண்டும் என விரும்பினேன்.  அதனால் எனது வீட்டை கண்காணிக்க ஆரம்பித்தேன். சில சமயம் மாறுவேடம் அணிந்து   மறைந்து கவனித்து வந்ததால் , ஒரு நாள் நேரிடையாக பிடித்து விட்டேன். எனக்கு அதிர்ச்சியாக இருந்தது.  

ஒட்டுமொத்தக்குறிகள்  (TOTALITY):

குளிர்ச்சியான உடல்வாகு (CHILLY PATIENT)

ஆங்கில மருந்தினால்  புறத் தூண்டுதலுக்கு உட்படுதல் (SENSITIVE TO ALLOPATHIC MEDICINES)

சுலபத்தில் திருப்தி அடையாதவர் (FASTIDIOUS)

அநீதியை பொறுத்துக் கொள்ளாதவர் ( INJUSTICE CANNOT SUPPORT)

திட்டுபவர் (ABUSIVE)

எதிர்த்துப் பேசுவதை பொறுத்துக் கொள்ளாதவர் ( INDOLERANT ABOUT CONTRADICTION)

பழிவாங்கும் குணம் படைத்தவர் ( REVENGEFUL)

வியாபாரம் பற்றிய கவலைகள் ( WORRIED ABOUT BUSINESS)

அதிகம் பேசுபவர் ( LOQUACIOUS)

மற்றவர்களுடன் சேர்ந்திருக்க விருப்பம் ( DESIRES COMPANY)

இரக்ககுணம் (SYMPATHETIC)

மலம் கழிப்பதில் திருப்தியின்மை/ பச்சை நிறத்தில் மலம் (UNSATISFATORY STOOL/ STOOL GREEN)

சூட்டினால் தொல்லைகள் குறைதல் (WARM >)

காற்று வெளியேறுவதால்  தொல்லைகள் குறைதல் (FLATUS PASSING >)

இடுப்பு பகுதியில் வலி ;  உட்காரும் போது அதிகரித்தல் ( PAIN LUMBAR REGION < SITTING WHILE)

கால்கள் (உணர்ச்சியற்ற ) மரத்துபோதல் ( NUMBNESS LEGS)

பொரித்த(வறுத்த) உணவில் விருப்பம் ( DESIRES FRIED FOOD)

விளக்கம்:

இந்தத் துயரர் சுலபத்தில் திருப்தியடையாதவராக ( FASTIDIOUS) இருந்தார்.  மேலும் அவர் எளிதாக சண்டைபிடிக்கும் குணம் படைத்தவராக ( QUARRELSOME) இருப்பதைக் கவனித்தேன். அவருடைய மனைவியுடன் இணக்கமான உறவு  இருப்பதாக தெரியவில்லை.  அவர் நன்றாக பேசக்கூடியவராக (GOOD SPEAKER) இருந்தார் அத்துடன் அவருடைய பேச்சின் நம்பகத்தன்மையை என்னால் புரிந்து கொள்ள முடிந்தது ஆனால் அவரது செயலில் தற்காப்பு (DEFENSIVE) இருந்தது.  இந்தத் துயரர் என்னுடன் உரையாடிய பிறகு, அவர் ஒரு நல்ல ஒருங்கிணைப்பாளராக இருப்பதை புரிந்து கொண்டேன். மேலும் சில அரசியல் அமைப்புகளிலும் அவர் வேலை செய்துள்ளார்.

அவர் சமூகத்தில் நிலவும் அநீதிகளை பொறுத்துக் கொள்ளாதவராகவும் , சமூகத்திற்கு நல்லது செய்ய விருப்பம் உள்ளவராக இருந்தார். அத்துடன்  சுபாவத்தில் எச்சரிக்கை உணர்வு (CAUTIOUS) உள்ளவராகவும் , வலிய சண்டைபோடும் ( AGGRESSIVE) குணம் படைத்தவராகவும், எளிதில் குறை காணுபவராகவும் ( FAULT FINDER) மற்றும் சந்தேகக்குணம் ( SUSPICIOUS) படைத்தவராகவும் இருந்தார். மேலும் அவர் ஆங்கில ஆங்கில மருந்துகள் எடுத்து கொள்ளும்போது  மிகவும் கூருணர்ச்சி கொண்டவராக இருந்தார். என்னுடன் உரையாடிக் கொண்டிருக்கும் போது இடைவிடாமல் தமது மனைவியைப் பற்றி விமர்சனம் செய்து கொண்டேயிருந்தார். மேலே குறிப்பிட்ட  ஒட்டுமொத்தக் குறிகளையும் கருத்தில் கொண்டு  அந்த துயரருக்கு நக்ஸ்வாமிக்கா மருந்து கொடுக்க முடிவு செய்தேன்.

மருந்துத் தேர்வு:   நக்ஸ்வாமிக்கா-30  - ஒரு முறை மட்டும்.

மருந்திற்குப் பிறகு விளைவு (REACTION ):

மருந்து கொடுத்த மூன்றாம் நாள் அவருடைய தொல்லைகள் சிறிது   குறைந்து முன்னேற்றம் தெரிந்தது. கால்களில் இருந்த கூச்ச உணர்ச்சி படிப்படியாக குறைந்தது. ஐந்தாவது நாள் , அவரது கால்களில் பலம் ஏற்பட்டு தெம்பாக இருப்பதாக கூறினார்.  நன்றாகத் தூங்க ஆரம்பித்தார். அத்துடன் அவருக்கு காய்ச்சலும் ஏற்படவில்லை, கொஞ்சம் கொஞ்சமாக அவருடைய சாப்பாடு கூடியது, எடையும் கூட ஆரம்பித்தது.

ஆறாவது நாள், அவருடைய பக்கத்தில் இருந்த மற்றொரு துயரர் தானாக சத்தமிட்டு என்னை அழைத்தார். ஓடிப்போய் பார்த்தேன்!  அங்கே எனக்கு ஒரு ஆச்சரியம் காத்திருந்தது , ஆம்! இந்தத்துயரர், அவரைப்பிடித்துக் கொண்டு நடக்க ஆரம்பித்திருந்தார்.  அவருடைய கண்களில் கண்ணீர் நிறைந்திருந்தது. சில நாட்களுக்குப் பிறகு மருத்துவமனையில் இருந்து அவர் விடுவிக்கப்பட்டார். மனம் நிறைந்த சந்தோசத்தில் கண்ணீரை காற்றில் அலைகளாக எனக்கு பரிசளித்து விட்டுச் சென்றார். 

மருந்துகளில் வேறுபாடு:

 மருந்துத் தேர்வின் போது ஆர்சனிக்கம் ஆல்பம் மருந்தும் நக்ஸ்வாமிகா மருந்திற்கு அருகில் வந்தது. ஆனால் ஆர்சனிக்கம் ஆல்பம் மருந்தில் குறைகாணும் சுபாவம் அதிகமாகவும் (FASTIDIOUS) , மன அமைதியின்மையும் ( RESTLESS)  இருக்கும். ஆனால், இந்தத் துயரர் மந்தத்தன்மை( SLUGGISH)  உடையவராக இருந்தார், அதனால் நக்ஸ்வாமிகா கொடுக்க முடிவு செய்தேன்.

(இக்கட்டுரை "உங்கள் ஹோமியோ தோழன் " Feburay-2013 இதழில் வெளிவந்துள்ளது)