ஹோமியோபதி மருத்துவம்: குழந்தைகளுக்கான மருந்துகளும் -குறிமொழிகளும்
குழந்தைகளின்
வகைகள்
மருத்துவர் டக்ளஸ் எம். போர்லாண்ட் [ Douglas M. Borland ]
அவர்கள், பொதுவாக குழந்தைகளை , ஐந்து குழுக்களாக பிரித்துக் கொடுத்துள்ளார்.
பெரும்பாலான குழந்தைகளின் உடலமைப்பு வகை " கல்கேரியா கார்பானிக்கம் [CALC]"
மருந்திற்குரியதாக அதாவது கண்டமாலை [காசநோய் ] நோய்ச்சார்ந்ததாக இருக்கிறது , ஆனால்
சில நேரங்களில் கல்கேரியா பாஸ்பாரிக்கம் [CALC-P] அல்லது கல்கேரியா சிலிக்கேட்டா [
CALC-SIL] ஆகிய மருந்துகளும் சில தனிப்பட்ட குழந்தைகளுக்கு மிகவும் பொருத்தமானவையாக இருக்கிறது . பின்னர், இந்த மருந்துகளின் பயன்பாட்டிற்குப் பிறகு பாஸ்பரஸ்
[ PHOS] மற்றும் சிலிகா [SIL] ஆகிய மருந்துகளை
கருத்தில் கொள்ள வழி வகுக்கிறது; இந்த மருந்துகளையும் மற்றும் அதனைப் பின்தொடர்ந்து வரும் மருந்துகளின்
தனிச்சிறப்பு பண்புகளை அறிந்து கொள்வது பயனுள்ளதாக
இருக்கும்.
சிலிகா மருந்துடன்
இணைந்து சனிக்குல்லா [ SANIC] மற்றும் ஏதுஜா [AETH] ஆகிய மருந்துகளையும் கருத்தில் கொள்ள வேண்டும் . அதே போல் கல்கேரியா கார்பானிக்கம் மருந்தைத் தொடர்ந்து லைகோபோடியம் [LYC] மருந்து சுட்டிக் காட்டப்படலாம். மேலும், அதைத் தொடர்ந்து காஸ்டிகம் [CAUST] மருந்து பயன்படும் வாய்ப்புள்ளது. மேற்கூறிய மருந்துகளைத் தவிர்த்து, முதல் குழுவில் உள்ள குழந்தைகளுக்கு சிகிச்சையளிக்கும் போது டூபர்குலினம் [ TUB]
மருந்து கொடுப்பதையும் கருத்தில் கொள்வது எப்போதும் புத்திசாலித்தனமானது.
ஆகவே, இந்த முதல் குழுவைச்
சேர்ந்த குழந்தைகளுக்கு உரிய மருந்துகளாக கீழ்க்காணும் மருந்துகள் உள்ளன;
கல்கேரியா கார்பானிக்கம் [CALC]
கல்கேரியா பாஸ்பாரிக்கம் [CALC-P]
கல்கேரியா சிலிக்கேட்டா [ CALC-SIL]
பாஸ்பரஸ் [ PHOS]
சிலிகா [SIL]
சனிக்குல்லா [ SANIC]
ஏதுஜா [AETH]
லைகோபோடியம் [LYC]
இரண்டாவது குழுவில், பாரிடா கார்பானிக்கம்[ BARY-C] முக்கிய மருந்தாக
இருக்கிறது . அதனைத் தொடர்ந்து, இதே போன்ற
அறிகுறிகளைக் கொண்ட அதே வகை குழந்தைகளுக்கு
அடுத்த மருந்தாக போராக்ஸ் [ BOR] இருக்கிறது .
இது நேட்ரம் மூரியாடிக்கம் [NAT-M] மருந்திற்கு நம்மை அழைத்துச் செல்கிறது, அதனைத் தொடர்ந்து செபியா [ SEP] மருந்திற்கான சாத்தியத்தை உருவாக்குகிறது . அதன் பிறகு "மனச்சோர்வு" மருந்துகளுக்கு வழிவகுக்கிறது,
அதாவது தங்கத்திலிருந்து பெறப்பட்ட ஆரம் மெட்டாலிக்கம் [AUR] அல்லது ஆரம் மூரியாடிக்கம் [AUR-M] ஆகிய மருந்துகளை கருத்தில் கொள்ள வேண்டும். குழந்தைகளின் மந்தமான
மனநிலை அல்லது மந்தமான உடலமைப்பு ஆகியவற்றைக் கையாளும் போது, கார்போ வெஜிடாபிலிஸ்
[CARB-V] மருந்து தேவைப்படுவதற்கான சாத்தியக்கூறுகள் எப்போதும் இருக்கும். இரண்டாவது குழுவைச் சேர்ந்த குழந்தைகளுக்கு உரிய மருந்துகளாக
கீழ்க்காணும் மருந்துகள் இருக்கிறது ;
பாரிடா கார்பானிக்கம்[ BAR-C]
போராக்ஸ் [ BOR]
நேட்ரம் மூரியாடிக்கம் [NAT-M]
செபியா [ SEP]
ஆரம் மெட்டாலிக்கம் [AUR]
கார்போ வெஜிடாபிலிஸ் [CARB-V]
மூன்றாவது குழு - கிராபைட்டிஸ் [GRAPH] - காப்சிகம் [CAPS] ஆகிய மருந்துகளை பரிசீலனைக்கு வழிவகுக்கும், மேலும் குழந்தைகளுக்கு
ஏதேனும் தோல் வியாதி இருக்கும் பட்சத்தில் சோரினம் [PSOR] கொடுப்பதற்கான
சாத்தியத்தை கருத்தில் கொள்ள வேண்டும். புத்திசாலித்தனமான குழந்தைகளாகவும் , உறுதியான தோல் அறிகுறிகள் இருக்கும் பட்சத்தில்
, ஆன்டிமோனியம் குரூடம் [ANT-C] மருந்தைப் பற்றி சிந்திக்க வேண்டும், அது உண்மையில்
கிராபைட்டிஸ் அறிகுறிகளைப் போல இல்லை என்றால்
, பெட்ரோலியம் [PETR] மருந்தை எப்போதும் ஒரு வாய்ப்பாக நினைவில் கொள்ளப்பட வேண்டும்.
ஆகவே, மூன்றாவது குழுவிற்குரிய மருந்துகளாக கீழ்வருபவை இருக்கிறது.
கிராபைட்டிஸ் [GRAPH]
காப்சிகம் [CAPS]
சோரினம் [PSOR]
ஆன்டிமோனியம் குரூடம் [ANT-C]
பெட்ரோலியம் [PETR]
நான்காவது குழுவில் , பல்சட்டில்லா [PULS]
மருந்து உள்ளிட்ட சாத்தியமான மருந்துகள் பல
உள்ளன. பல்சட்டில்லாவிற்குப் பிறகு காலி சல்பூரிக்கம் [KALI-S] பயன்படலாம் , மேலும்
ஒவ்வொரு சல்பர் [SULPH] மூலக்கூறு உள்ள மருந்துகளை பயன்படுத்தும் போது , அக்குழந்தை
சல்பர் வகையைச் சேர்ந்ததாக இருக்கிறதா என்பதைக்
கருத்தில் கொள்வது அவசியம். பல்சட்டில்லா மருந்தின் மனநிலையுடன் மிகவும் ஒத்ததாக இருந்தால், அக்குழந்தைக்கு
தூஜா [THUJ] மருந்து கொடுப்பதையும் கருத்தில்
கொள்ள வேண்டும், மேலும் பல்சட்டில்லா, தூஜா குழுவாகக் கருதப்பட்டவுடன் அது சிலிகா மருந்திற்கு இட்டுச் செல்லும். இதையொட்டி சிலிகா எப்பொழுதும் புளுவாரிக்கம் ஆசிட்
[FL-AC] மருந்தின் சாத்தியத்தை பரிந்துரைக்கிறது.
இரத்தக் கசிவு உள்ள குழந்தைகளுக்கு மருந்தளிக்கும் போது , புரோமியம் [BROM] மற்றும் அயோடியம் [IOD] மருந்துகளைப் பற்றி சிந்தியுங்கள். அயோடியம்
மருந்திற்குப் பிறகு , குழந்தைகளின்
மெலிவு மற்றும் பசியைக் கருத்தில் கொண்டு
அப்ரோட்டனம் [ABROT] மருந்து தேவைப்படுமா? என்பதை பரிசீலிக்க வேண்டும். ஆகவே, இந்த நான்காவது
குழுவைச் சேர்ந்த குழந்தைகளுக்கு கீழ்வரும் மருந்துகள் நல்ல பலனளிக்கும்.
பல்சட்டில்லா [PULS]
காலி சல்பூரிக்கம் [KALI-S]
சல்பர் [SULPH]
தூஜா [THUJ]
புளுவாரிக்கம் ஆசிட் [FL-AC]
புரோமியம் [BROM]
அயோடியம் [IOD]
அப்ரோட்டனம் [ABROT]
ஐந்தாவது மற்றும் கடைசி குழுவில் ,
"நரம்பு" சம்பந்தமான மருந்துகள் உள்ளன. இதில் ஆர்சனிக்கம் ஆல்பம் [ARS] மருந்து
அதன் அனைத்து பயங்கரமான அறிகுறிகளுடன் பட்டியலில்
முன்னணியில் உள்ளது. பயங்கரமான அறிகுறிகளுக்கு
முக்கியமாக ஸ்ட்ராமோனியம் [STRAM] மருந்து பரிந்துரைக்கபடுகின்றன . பிறகு அதிகக்
கூருணர்ச்சி நரம்பு மண்டலம் வகை வருகிறது
, இதற்கு சாமோமில்லா [CHAM] சிறந்த மருந்தாக நம்
நினைவுக்கு வருகிறது, பின்னர் அறிகுறிகள் இன்னும் கொஞ்சம் கடுமையாக இருந்தால்
சினா [CINA] மருந்து பயன்படும் . சினாவின் வித்தியாசமான அறிகுறிகளான செரிமானக் கோளாறுகள்,
மெக்னீசியம் கார்பானிக்கம் [ MAG-C] மருந்தைக்
கருத்தில் கொள்ள வழிவகுக்கும், பின்னர் கடுமையான நரம்பு வகைக்கு மாறுகிறது, அப்போது
இக்னேஷியா [IGN] மருந்தின் சாத்தியக்கூறுகள்
ஏற்படும் , மேலும் இந்த நரம்புத் தொல்லையின் அமைதியற்ற நிலை மற்றும் நிலைகொள்ளாததன்மை ஆகிய அறிகுறிகள் ஜிங்கம் மெட்டாலிக்கம்
[ZINC] மருந்தை கொடுக்கும் வாய்ப்பை நமக்கு ஏற்படுத்துகிறது . இந்த ஐந்தாவது குழுவில்
கீழ்வரும் மருந்துகள் நன்றாக செயலாற்றுகின்றன;
ஆர்சனிக்கம் ஆல்பம் [ARS]
ஸ்ட்ராமோனியம் [STRAM]
சாமோமில்லா [CHAM]
சினா [CINA]
மெக்னீசியம் கார்பானிக்கம் [ MAG-C]
இக்னேஷியா [IGN]
ஜிங்கம் மெட்டாலிக்கம் [ZINC]
மேற்கண்ட ஐந்து குழுவில் உள்ள மருந்துகளின்
தனிச்சிறப்பு பண்புக்குறிகள் பற்றியும் , அதன் பயன்பாட்டைப் பற்றியும் விரிவாக இப்போது
பார்க்கலாம்.